अहेरी येथे राज्यस्तरीय व्हॉलीबॉल स्पर्धा
लॉयड्स व्हॉलीबॉल संघ उपविजेता
अहेरी (गडचिरोली), दि. ०२ फरवरी :-
गडचिरोली जिल्ह्यातील अहेरी येथे 22 ते 26 जानेवारी 2026 या कालावधीत आयोजित राज्यस्तरीय व्हॉलीबॉल स्पर्धेत लॉयड्स व्हॉलीबॉल संघाने दमदार कामगिरी करत उपविजेतेपद पटकावले. महाराष्ट्राच्या विविध भागांतील बलाढ्य संघांविरुद्ध चुरशीचे सामने खेळत लॉयड्स संघाने अंतिम फेरीपर्यंत मजल मारली.
पाच दिवस चाललेल्या या स्पर्धेत राज्यभरातील एकूण 16 संघांनी सहभाग घेतला होता. अंतिम सामन्यात नागपूर ऑरेंज सिटी संघाने उत्कृष्ट खेळ करत विजेतेपद मिळवले, तर लॉयड्स संघ उपविजेता ठरला. उपविजेत्या लॉयड्स संघाला ₹55,000 रुपयांचे रोख पारितोषिक देण्यात आले.
संपूर्ण स्पर्धेदरम्यान लॉयड्स संघाने सातत्य, शिस्त आणि उत्तम सांघिक समन्वय दाखवत प्रेक्षकांची मने जिंकली. या स्पर्धेत चंद्रपूर, WSF वरोरा, चंद्रपूर सिटी, गोंडपिपरी, आम्रपाली, अल्लापल्ली तसेच राज्यातील इतर अनेक स्पर्धात्मक संघांनी सहभाग घेतला होता.
स्पर्धेला स्मt. शाहीन भाभीजी हकीम (महिला राष्ट्रीय कार्यकारिणी सदस्या) आणि स्मt. भाग्यश्री अत्राम (जिल्हा परिषद अध्यक्षा, गडचिरोली) यांची प्रमुख उपस्थिती लाभली. त्यांनी खेळाडूंना प्रोत्साहन देत त्यांच्या क्रीडाप्रतिभेचे कौतुक केले.
लॉयड्स व्हॉलीबॉल संघाचे हे यश लॉयड्स स्पोर्ट्स अकादमीच्या सातत्यपूर्ण प्रयत्नांचे फलित असून, ही अकादमी लॉयड्स मेटल्स अँड एनर्जी लिमिटेडचे व्यवस्थापकीय संचालक श्री. बी. प्रभाकरन यांच्या संकल्पनेतून साकार झाली आहे. श्री. प्रभाकरन यांनी संघाचे अभिनंदन करत भविष्यातही विविध क्रीडा स्पर्धांमध्ये सातत्याने सहभाग घेण्याचे आवाहन केले.
अकादमीद्वारे स्थानिक खेळाडूंना संरचित प्रशिक्षण व स्पर्धात्मक व्यासपीठ उपलब्ध करून दिले जात असून, गेल्या अनेक वर्षांपासून अकादमी समर्थित संघांनी जिल्हा व राज्यस्तरीय स्पर्धांमध्ये उल्लेखनीय कामगिरी केली आहे. त्यामुळे परिसरातील क्रीडा संस्कृतीला चालना मिळत आहे.
या स्पर्धेचे यशस्वी आयोजन भाग्यश्री ताई अत्राम फॅन्स क्लब, अहेरी यांच्या वतीने करण्यात आले. स्पर्धेचा समारोप क्रीडा उत्कृष्टता व सामाजिक सहभागाच्या सकारात्मक वातावरणात झाला.
