Gadchiroli Police Force organizes “Job Fair” under Project Udan through Police Dadalora Window/ गडचिरोली पोलीस दल पोलीस दादालोरा खिडकीच्या माध्यमातुन प्रोजेक्ट उडान अंतर्गत “रोजगार मेळाव्याचे” आयोजन

126

गडचिरोली पोलीस दल पोलीस दादालोरा खिडकीच्या माध्यमातुन प्रोजेक्ट उडान अंतर्गत “रोजगार मेळाव्याचे” आयोजन

गडचिरोली :- जिल्हयातील सुशिक्षीत बेरोजगार युवतींना रोजगाराची संधी उपलब्ध करून देण्याच्या उद्देशाने गडचिरोली जिल्हा पोलीस दलाच्या पोलीस दादालोरा खिडकीच्या माध्यमातुन मा. पोलीस अधीक्षक गडचिरोली श्री. नीलोत्पल सा. यांचे मार्गदर्शनाखाली गडचिरोली पोलीस दल व पार्कसन्स स्किल सेंटर, नागपुर यांच्या संयुक्त विद्यमाने दि. 25/04/2023 रोजी “रोजगार मेळावा” पोलीस मुख्यालय परिसरातील जेटीएससी हॉल येथे पार पाडण्यात आला.

 

या रोजगार मेळाव्यात दुर्गम-अतिदुर्गम भागातील 60 बेरोजगार युवती नर्सिंग असिस्टंट प्रशिक्षणाचा लाभ घेण्यासाठी सहभागी झाले होते, यावेळी उपस्थित उमेदवारांमधुन पार्कसन्स स्किल सेंटर, नागपुर यांचे मार्फत 40 नर्सिंग असिस्टंट महिला उमेदवारांची निवड प्रशिक्षणाकरीता करण्यात आली. प्रशिक्षणाकरीता निवड झालेल्या सर्व युवतींना नियुक्तिपत्र व पुष्पगुच्छ देवून सत्कार करण्यात आले. यावेळी नर्सिंग असिस्टंट प्रशिक्षणाकरीता निवड झालेल्या उमेदवारांचे मा. पोलीस अधीक्षक श्री. नीलोत्पल सा. यांनी कौतुक केले असून, त्यांच्या उज्वल भविष्यासाठी शुभेच्छा दिल्या. यावेळी मार्गदर्शन करतांना सांगितले की, गडचिरोली जिल्हयातील युवक-युवतींना रोजगाराच्या अनेक संधी उपलब्ध करून देण्यासाठी गडचिरोली पोलीस दल सदैव तत्पर असून, नेहमी तुमच्या पाठीशी राहील. तसेच सन 2023 या वर्षामध्ये गडचिरोली पोलीस दलाचे दुर्गम अतिदुर्गम भागातील युवक-युवतींसाठी 10,000 नवीन रोजगार व स्वयंरोजगार उपलब्ध करुन देण्याचे उद्दीष्ट आहे. आपले मित्र व आप्तस्वकीय यांना देखील रोजगाराच्या बाबतीत अवगत करून द्यावे व त्यांनी देखील गडचिरोली पोलीस दलाने उपलब्ध करून दिलेल्या रोजगाराच्या संधीचा लाभ घ्यावा व आपल्या कुटूंबियांचे जीवनमान उंचवावे. असे आपल्या मनोगतात व्यक्त केले.

 

आतापर्यंत गडचिरोली पोलीस प्रशासनाकडुन रोजगार व स्वयंरोजगार मेळाव्याद्वारे पोलीस दादालोरा खिडकीच्या माध्यमातुन सुरक्षा रक्षक 512, नर्सिंग असिस्टंट 1143, हॉस्पीटॅलीटी 314, ऑटोमोबाईल 276, इलेक्ट्रीशिअन 167, प्लंम्बींग 35, वेल्डींग 38, जनरल डयुटी असिस्टंट 314, फील्ड ऑफीसर 11 व व्हीएलई 52, सेल्समॅन 4 असे एकुण 2866 युवक/युवतींना रोजगार उपलब्ध करुन देण्यात आला आहे. तसेच कृषी तंत्रज्ञान व व्यवस्थापन (आत्मा) सोनापुर, गडचिरोली व बीओआय आरसेटी गडचिरोली यांचे मार्फत ब्युटीपार्लर 174 मत्स्यपालन 87, कुक्कुटपालन 566, बदक पालन 100, वराहपालन 10, शेळीपालन 149, शिवणकला 241, मधुमक्षिका पालन 53, फोटोग्राफी 65, भाजीपाला लागवड 1395, पोलीस भरती पुर्व प्रशिक्षण 1062, टु व्हिलर दुरुस्ती 99, फास्ट फुड 96, पापड लोणचे 59, टु/फोर व्हिलर प्रशिक्षण 502, एमएससीआयटी 200, कराटे प्रशिक्षण 48 व सॉफ्ट टॉईज प्रशिक्षण 27 असे एकुण 4923 युवक-युवतींना स्वयंरोजगार प्रशिक्षण देण्यात आले आहे.

 

सदर रोजगार मेळाव्याच्या कार्यक्रमास मा. पोलीस अधीक्षक श्री. नीलोत्पल सा., मा. अपर पोलीस अधीक्षक (प्रशासन) श्री. कुमार चिंता सा., मा. अपर पोलीस अधीक्षक (अभियान) श्री. अनुज तारे सा., मा. अपर पोलीस अधीक्षक अहेरी श्री. यतिश देशमुख सा. तसेच श्री. हेमंत बन्सोड, मोबलायझेशन अँड प्लेसमेंट हेड, पार्कसन्स स्किल इन्स्टीट्युट, नागपूर, श्रीमती उर्मीला भेंडारकर, काउंन्स्लर, ग्क्ष्च् नागपूर, श्रीमती माधुरी भांडेकर, काउंन्स्लर गडचिरोली, श्रीमती शितल हनवटे, टेलीकॉलर काउंन्स्लर गडचिरोली हे उपस्थित होते.

 

सदर कार्यक्रमाच्या यशस्वीतेसाठी सर्व उपविभागीय पोलीस अधिकारी, पोस्टे, उपपोस्टे व पोमकेचे सर्व प्रभारी अधिकारी तसेच नागरी कृती शाखेचे प्रभारी अधिकारी धनंजय पाटील व अंमलदार यांनी अथक परिश्रम घेतले.

LEAVE A REPLY

Please enter your comment!
Please enter your name here