मतदार यादी निरीक्षक आज घेणार आढावा
गडचिरोली,(s bharat news network)दि.26: जिल्ह्यात 01 जुलै 2024 या अर्हता दिनांकावर आधारीत छायाचित्रासह मतदार यादीचा दुसरा विशेष संक्षिप्त पुनरिक्षण कार्यक्रम सुरु असून श्रीमती विजयलक्ष्मी बिदरी, मतदार यादी निरीक्षक तथा विभागीय आयुक्त, ह्या दिनांक 27 ऑगस्ट 2024 रोजी गडचिरोली जिल्ह्यात दुसरी भेट देणार आहेत. त्या मतदार नोंदणीबाबत दुपारी 12.15 वाजता आढावा घेणार असल्याचे जिल्हाधिकारी तथा जिल्हा निवडणूक अधिकारी संजय दैने यांनी कळविले आहे.
भारत निवडणूक आयोग यांचेकडून प्राप्त सुचनेनुसार दिनांक 01 जुलै 2024 या अर्हता दिनांकावर आधारीत छायाचित्रासह मतदार यादीचा दुसरा विशेष संक्षिप्त पुनरिक्षण कार्यक्रमाच्या संपुर्ण कालावधीत मतदार यादी निरीक्षक यांना जिल्हा निहाय एकुण तीन भेटी द्यावयाच्या आहेत. त्यामध्ये विशेष संक्षिप्त पुनरिक्षण कार्यक्रमाचे दावे व हरकती निकाली काढण्याच्या कालावधीत (दिनांक 29 ऑगस्ट 2024(गुरुवार) पर्यत) दुसरी भेट (Second Visit) द्यावयाची आहे.
