आरमोरी येथील युवतीस मारहाण करणाऱ्या आरोपीला न्यायालयाने सुनावली 2 दिवसांची पोलीस कोठडी

गडचिरोली दिनांक १५/०८/२०२४ रोजी बर्डी आरमोरी ता.आरमोरी येथील शिवम कॅफे येथे मोबाईल चार्जर दिला नाही या कारणावरून एका तरुणीस मारहाण करण्यात आली होती .
त्याबाबत दिनांक १७/०८/२०२४ रोजी प्रियंका सुकेंदू रॉय वय १९ वर्ष हिने दिलेल्या फिर्यादीवरुन पो.स्टे आरोमारी येथे गुरक्र २१८/२४ कलम ७४,७९,११५(२) प्रमाणे गुन्हा दाखल करण्यात आला. गुन्ह्यातील आरोपी नामे १) सोहेल मेहमूद शेख २) अब्दुल अयुब नासिर शेख हे फरार झाले होते. गडचिरोली पोलिस दलाने सदर दोन्ही फरार आरोपींचा शोध घेऊन त्यांना आज *दिनांक १९/०८/२०२४ रोजी सकाळी अटक केली* अटकेनंतर दोन्ही आरोपितांना मा. न्यायालयासमोर हजर केले असता मा.न्यायालयाने दोन्ही आरोपितांना दोन दिवसांची पोलीस कोठडी ठोठावली आहे. सदर गुन्ह्याचा अधिक तपास गडचिरोली पोलीस करत आहेत