संविधान.
शीर्षक :-स्त्रियांसाठी वरदान
भारतीय संविधान
स्त्रियांसाठी वरदान
बाबा साहेब जनक
आम्हां वाटे अभिमान..||१||
सर्वांच्याच हितासाठी
त्यांनी कलमे लिहिली
दिले स्त्रियांना जीवन
घटनेत नोंदविली..||२||
स्त्रीचे जीवन नरक
हुंडाबंदी सती प्रथा
घटनेत दिले स्थान
जाणुनीया स्त्रीच्या व्यथा||३||
संविधान महाग्रंथ
घटनेचे शिल्पकार
बाबा साहेब महान
महायोद्धा ग्रंथकार..||४||
न्याय मूल्यांचे जतन
जात पात पंथ धर्म
संविधान हा जागर
करू आदर सत्कर्म..||५||
हक्क दिधले स्त्रियांना
सव्विसदि नोव्हेंबर
संविधान जन्मदिन
आनंदाची ही खबर..||६||
सौ.स्मिता गणेश पाटील, रायगड
